(questo BLOG è stato visitato 44757 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Monday, August 09, 2004 - ore 02:13
(categoria: " Vita Quotidiana ")
Evviva!!! L'ho trovato in internet!!!!
IN OSTARIA ZE POSIBILE L'INTEGRASSIONE RASSIALE
LE BRONSE QUERTE
Da noialtri nel Veneto l'ostarìa ze considerà come el centro del'universo, tuto quanto gira intorno al'ostarìa: sopratuto se te ghè bevùo qualche onbra in più. L'ostarìa ze un posto dove l'integrassione rassiale ze posibile: ieri sò 'ndà in ostarìa co un moro, mi go bevùo un "negroni" e ju un "bianco seco"! Podèmo dre che el vi nel ze un "lubrificante sociale".
In giro pal mondo se dise che i veneti ze 'na massa de inbriagoni, senpre col gòto in man, e alora? Ne piaze bere, vin o graspa, bianco, nero, rosato, dal fiasco o diretamente spinà dala bote Ieri so 'ndà dal casòin: "El me daga 'na butilia de vin", "Lo volo bianco o rosso?", "Ze lo stesso, tanto me nono ze daltonico!". Me nono el gera un gran intenditore e anca gran bevitore, nol sudava mai: el distillava! Na volta el ze 'nda fare l'esame del sangue e invesse che con la siringa i ghe lo gà fato ala spina. Me nono el ze rivà a novanta ani e nol ga mai tocà un bicère de vin: el se tacàva diretamente ala butilia. Quando che el ze morto i lo gà cremà, el gaveva cussì tanto alcol in corpo che i ghe ga messo sie giorni a stùarlo.
I dotori i ga messo in giro la vosse che el vìn el ze nemico del'omo; me nono me dizeva senpre: "Chi che scanpa davanti al nemico el ze un viliaco!". I professori i insiste dizendo che el vin te copa lentamente. Ma varda che noialtri no gavèmo miga nessuna freta!
El vin, el porta tanta sagessa. Ge gò dito a un me zio chel bevevo dala matina ala sera: "Ma percossa bevito zio, gheto cussì tanti problemi?"."Caro, mi no bevo par anegare i me problemi nel vin, mi bevo par irigarli!". E par concludere, el vin ze sano, infati, co i problemi de inquinamento che gavèmo, el modo miliore par rendere potabile l'aqua ze queo de zontarghe raquanto vin!
COMMENTA (0 commenti presenti)
PERMALINK
[ SONO OFFLINE ] 
.jpg)
